मिसा व मातृभाषा दिवसय् चिनाखँ ब्वनेज्या

ये – अन्तर्राष्ट्रिय मिसा दिवसया लसताय् वंगु मार्च ८ कुन्हु नेदरल्याण्डया लाइदन नगरपालिकाया केन्द्रीय पुस्तकाल, कला संस्कृति केन्द्र व भाषा छेँया झिदँ बुन्हिया लसताय् छगू तःजिगु साहित्यिक ज्याझ्वः जुल । ज्याझ्वलय् नेपालभाषाया साहित्यका मय्जु श्रीलक्ष्मी श्रेष्ठं डच भासं च्वयादीगु चिनाखँ ब्वनाः न्यंकादीगु खः । अथे हे मार्च ९ कुन्हु विश्व मातृभाषा दिवसया लसताय् जूगु ज्याझ्वलय् वय्कलं थःगु चिनाखँ ब्वनाः न्यंकादीगु खः । मय्जु श्रेष्ठं चिनाखँ ब्वनाः न्यंकादीगु इलय् उकियात डच भासं अनुवाद यानाः स्क्रिनय् क्यनेगु ज्या तकं जूगु खः । उगु ज्याझ्वलय् नेदरल्याण्डय् च्वनाच्वंपिं थीथी देय्या कविपिंसं नं थःथःगु भासं चिनाखँ न्यंकादीगु खः ।