कांग्रेस यथास्थितिइ न्ह्याये फइमखु ः कोइराला

येँ – नेपाली कांग्रेसया सभापति पदय् शेर बहादुर देउवा लिसे प्रतिस्पर्धा याःम्ह नेता शेखर कोइरालां आः कांग्रेस यथास्थितिइ न्ह्याये फइमखु धाःगु दु । वय्कलं बिहिवाः छगू वक्तव्य पितबिसें कांग्रेसया झिंप्यक्वःगु महाधिवेशनं कांग्रेस यथास्थितिइ चले जुइफइमखु धयागु सन्देश बिउगु खँ धयादीगु खः ।

महाधिवेशनं वःगु लिच्वःया महत्व थःगु हे थासय् दु धासें वय्कलं तर थ्व महाधिवेशनं पार्टी यथास्थितिइ न्ह्याये फइमखु धयागु सन्देश सकल कांग्रेस जन व नेपाली जनतायात बिउगु खँ धयादीगु खः ।

वय्कलं महाधिवेशनय् ४० प्रतिशत प्रतिनिधिपिंसं थःत विश्वास व भरोसा बिउगु धासें आः थःपिं पार्टीया रुपान्तरण व न्हूगु ढंगं पार्टीयात न्ह्याकेगु निंतिं लगे जुइगु खँ नं धयादीगु दु । थ्व झ्वलय् वय्कलं पार्टी सभापति पदय् त्याःम्ह प्रधानमन्त्री शेरबहादुर देउवायात भिंतुना नं देछायादीगु दु ।

सम्बन्धित बुखँ

LEAVE YOUR COMMENTS