
येँ – नेपाल पे्रस काउन्सिलया नवनियुक्त अध्यक्ष बालकृष्ण बस्नेतयात नेपाली राष्ट्रिय छापामाध्यम संजालं भिंतुना देछाःगु दु । काउन्सिलय् जूगु छगू ज्याझ्वःया दथुइ अध्यक्ष बस्नेतयात संजालया अध्यक्ष देवप्रकाश त्रिपाठीं भिंतुना देछानादीगु खः ।
उगु इलय् संजालया अध्यक्ष त्रिपाठीं पत्रकारिताया संरक्षण व संवद्र्धनया निंतिं काउन्सिललिसे सहकार्य याना वनेगु खँ कनादीगु खः । ज्याझ्वलय् काउन्सिलया निवर्तमान कार्यवाहक अध्यक्ष गोपाल बुढाथोकी, पुलांम्ह कार्यवाहक अध्यक्ष किशोर श्रेष्ठ लगायतया सहभागिता दुगु खः ।
थ्व हे झ्वलय् कोरोनाया कारणं समस्याय् लाःपिं छापामाध्यमया विकास गुकथं न्ह्याः वनेगु धइगु विषयय् नं सहलह जूगु खः । सहलहया इलय् काउन्सिलया अध्यक्ष बस्नेतं राज्यपाखें छापा माध्यमयात बचे यायेकथंया ज्याझ्वः फक्व याकनं हयेत कुतः यायेगु जुइ धयादिल ।
पुलांम्ह कार्यवाहक अध्यक्ष श्रेष्ठं अनलाइन छापामाध्यम विस्थापित जुइगु वा जुइ मालीगु अवस्था मवयेमा धइगु खँय् ध्यान बीत थुकथंया बहस व सहलह आवश्यक जूगु विचाः तयादिल ।
निवर्तमान कार्यवाहक अध्यक्ष बुढाथोकीं थौंया आधुनिक युगय् प्रविधिया विकासलिसें छापामाध्यमय् नं हिउपाः हयेगु स्वयेमाः धयादिल ।
LEAVE YOUR COMMENTS