लँ पनाः लँ पीच यायेत माग

येँ – हरिसिद्धिनिसें तौख्यः तकया सतक पीच मयाःगु धासें स्थानीय वासिन्दां म्हिगः सतक बन्द यानाः प्रदर्शन याःगु दु । यलया थैब, बादेगां आदि लागाय् सतकय् लँ पनाः स्थानीय जनतां सुथंनिसें प्रदर्शन याःगु खः ।

ताः इलंनिसें ठेकेदारं सतक पीच मयाःगुलिं सतक बन्द यानाः आन्दोलन यायेमाःगु खँ स्थानीय वासिन्दां धाःगु दु । ताः इलंनिसें ग्राभेल तयाः सतक अथें हे त्वःतेवं लँय् वने हे मजिक गाः जूगु व उकिं यानाः आपालं मोटरसाइकल दुर्घटना जुइधुंकूगु जानकारी स्थानीय वासिन्दां बिउगु दु ।

इलय् हे सतक मदयेकूगु कारणं धू ब्वयाः स्थानीय वासिन्दा विरामी तकं जुइगु क्रम अप्वया वनाच्वंगुलिं तत्काल पीच यायेमाःगु माग नं स्थानीय बासिन्दां याःगु दु । थनिंनिसें ठेकेदार कम्पनीं ज्या मयात धाःसा सतक पनाः आन्दोलनयात निरन्तरता बीगु खँ नं स्थानीय वासिन्दां धाःगु दु ।

 

सम्बन्धित बुखँ

LEAVE YOUR COMMENTS