आप्रवासी समस्यायात कयाः रुस व फ्रान्सया दथुइ फोन वार्ता

एजेन्सी- रुसया राष्ट्रपति भ्लादिमिर पुटिन व फ्रान्सया राष्ट्रपति इम्यानुएल म्याक्रोया दथुइ बेलारुस व युरोपियन युनियनया दथुइ जुयाच्वंगु आप्रवासी समस्या व सिमानायात कयाः फोन वार्ता जूगु दु । मंगलवाः सुथय् रुसी राष्ट्रपति भ्लादिमिर पुटिनं फ्रान्सया राष्ट्रपति इम्यानुएलयात फोन याःगु खँ अन्तर्राष्ट्रिय समाचार संस्थातय्सं धाःगु दु ।

रुसया राष्ट्रपति भ्लादिमिर पुटिनं पोल्याण्डया प्रहरीतय्सं बेलारुसया आप्रवासीतय्त बांमलाक व्यवहार यात धकाः धाःगु दु । राष्ट्रपति पुटिनं पोल्याण्ड व युरोपियन युनियनया नेतातय्त बेलारुसया नेतातलिसें प्रत्यक्ष वार्ता यायेत इनाप याःगु दु ।

वार्ताय् निगू देय्या दथुइ युक्रेनयात कयाः नं खँल्हाबल्हा जूगु दु । पूर्वी युक्रेनय् द्वन्द्वपीडित व्यवस्थापन बांलाक मजूगु खँय् वार्ता जूगु खः ।

सम्बन्धित बुखँ

LEAVE YOUR COMMENTS