चिकुलाय् कोरोना संक्रमित अप्वयेफु

येँ (नेपालभाषा टाइम्स) – म्हिगः जक स्वनिगलय् १६३० म्हेसित कोराना संक्रमण पुष्टि जूगु दु। स्वास्थ्य तथा जनसंख्या मन्त्रालयया कथं संक्रमित मध्ये मिसापिं ७०२ व मिजंपिं ९२८ म्ह दु । मन्त्रालयया कथं येँय् १०,७९७, ख्वप १,७१९ व यलय् २,२५७ म्ह होम आइसोलेसनय् च्वनाच्वंगु दुसा येँय् १६,११८ म्ह, ख्वपय् १०३३ म्ह व यलय् २,२८८ म्ह सक्रिय संक्रमितत दु ।

थुकिया लिसे नेपालय् कोरोना भाइरस संक्रमितया ल्याः १ लाख ७६ हजार ५ सय थ्यंगु दुसा कोरोना संक्रमणं मुक्त जूपिनिगु ल्याः १ लाख ३७ हजार ९९२ म्ह थ्यंगु दु। उकथं हे म्हिगः जक नीप्यम्ह सीगु दु। थ्वहे झ्वलय् सम्बन्धित विज्ञतय्सं चिकुला न्ह्यःने वःगुलिं स्वनिगः लिसें देय् न्यंकं संक्रमितत अप्वये फइगु ख्याच्वः बिउगु दु। छुं वा न्ह्यःने परीक्षण याःपिं मध्ये २५ प्रतिशत धइथें मनूतय्के कोरोना भाइरस लुइधुंकाः विज्ञतय्सं उगु ख्याच्वः बिउगु खः । विज्ञतय् कथं वइगु निला तक संक्रमितया ल्याः अप्वइगु सम्भावना दु ।