यलया पद्मवर्ण विहारय् सप्तविधानुत्तर पुजा
यल (नेपालभाषा टाइम्स) – थनया पद्मवर्ण महायान विहार, ज्याथा बहालय् सप्तविधानुत्तर पुजा (सत्व पुजा) क्वचाःगु दु । वाकबज्र मैत्री समाजया ग्वसालय् नीछम्ह गुरुजुपिंसं उगु पुजा याःगु खः ।
विहारया गुणसागर भन्ते व वज्राचार्य पूजाविधि अध्ययन समितिया सल्लाहकार गौतममुनि वज्राचार्य प्रमुख आतिथ्यताय् जूगु सत्व पुजाय् गुरुजु राजु वज्राचार्य मूलाचार्य उपाध्याय विनोद बज्राचार्य जुयाबिज्याःगु खः ।
वज्रयान बुद्ध धर्मय् स्तोत्र पाठया तःधंगु महत्व दु । थ्वहे कारणं पुजाय् करुणामय वज्राचार्य, चिनिया वज्राचार्य, अच्युत वज्राचार्य, अमर रत्न वज्राचार्य, अशोकहर्ष वज्राचार्य, राजु वज्राचार्य लगायतया गुरुजुपिसं स्तोत्र पाठ यानाबिज्याःगु खः ।
यल ज्याथा बहाःया म्ह्याय्मचा व येँ क्वाःबहाःया भौमचा गीता शाक्यया कुतलं थुगु सत्व पुजा जूगु धासें गुरुजु राजु वज्राचार्यं वय्कःयात सुभाय् देछानादीगु खः ।
वाकबज्र मैत्री समाजया नायः भाजु सजनरत्न वज्राचार्यं पद्मवर्ण महायान बिहारया सकल दुजःपिंत नं सुभाय् बियादीगु खः । सत्वपूजा क्वचायेका गुणसागर भन्तें ताराद्यःया मन्त्र ‘ओँम तारे तुतारे तुरे स्वाहा’ या अर्थ ध्वाथुइका बिज्याःगु खः ।
LEAVE YOUR COMMENTS