चुनाव यायेत खोपया ध्यबा ?

येँ (नेपालभाषा टाइम्स) – प्रतिनिधि सभा विघटन सम्बन्धी मुद्दाया सुनुवाई थौं नं न्ह्याइगु जूगु दु । म्हिगः प्रधानन्यायाधीश चोलेन्द्र शमशेर जबरा नेतृत्वया संवैधानिक इजलासय् थुगु मुद्दाया सुनुवाइ जूगु खःसा वकिलतय् बहस यायेगु ज्या ल्यं दनिगुलिं लगातार सुनुवाइ जुइ कथं हेर्दाहेर्दैलय् तःगु खः ।

म्हिगः रिट निवेदनकर्तापाखें अधिवक्तापिं डा. भीमार्जुन आचार्य, बद्रीराज भट्ट, सुनिल पोखरेलपिसं बहस याःगु खः । बहसया झ्वलय्अ धिवक्तातय्सं संसद विघटनया अधिकार संविधानं प्रधानमन्त्रीयात मबिउगु धासें संविधानं संसद विघटनया कल्पना याःसां नं संसद विघटन न्ह्यः नालेमाःगु पूर्वसर्तत वर्तमान केपी शर्मा ओलीं नाला मकाःगु कारणं थ्व विघटन वैध जुइ मफइगु तर्क तःगु खः ।

अधिवक्ता पोखरेलं बहसया झ्वलय् धयादिल, ‘पुष्पकमल दाहाल व माधवकुमार नेपालं ग्वाहालि मयाः धकाः प्रधानमन्त्री ओलीं पटक-पटक धयादीगु दु । पार्टी दुने वय्कःयात ग्वाहालि मजूगु दोष निर्दोष संसदय् प्वंके दइमखु ।’

वय्कलं गबलय् यल अबलय् चुनावय् वने धायेगु खँ जायज मजू धासें जनतायात खोप लगे यायेत ध्यबा मदु, चुनावय् वनेत अर्बौं ध्यबा गनं वइ धकाः न्ह्यसः नं न्यनादीगु खः ।

सम्बन्धित बुखँ

LEAVE YOUR COMMENTS