मतिनामिलिसे इहिपा यायेत शाही पद त्याग

एजेन्सी÷ जापानया राजकुमारी माकों शाही पद त्याग यानाः मंगलवाः कलेजया पासा व मतिनामि कोमुरोलिसे इहिपा याःगु दु । जापानया स्थानीय ईकथं सुथसिया १० ताः इलय् इहिपा दर्ता याःगु खः । कोमुरो अमेरिकाय् वकिल जुया च्वंगुलिं इहिपाः धुंकाः उपिं अमेरिकाय् वनीगु अनुमान दु ।

इहिपा धुंकाः राजकुमारी माकों शाही पद त्वःतूगु खः । जापानया राजपरिवारया नियमकथं शाही परिवारया मिसा छेँजलं सर्वसाधारणलिसे इहिपा यात धाःसा शाही पद त्वःतेमाः । मिजं छेँजःतय्त धाःसा थ्व नियम लागू जुइमखु । माकों राजपरिवारया छेँजःपिंसं इहिपाबलय् याइगु परम्परागत विधि नाला मकाःगु खः । अथे हे इहिपाः जुइधुंकाः मिस्तय्त बिइगु ध्यबा कायेत नं माकों अस्वीकार याःगु खः । थ्व निगुलिं विधि त्याग याःम्ह माको जापानया न्हापांम्ह राजपरिवारया मिसा छेँजः खः ।

राजकुमारी माको जापानया तत्कालिन शासक अकिहितोया छय् खः । माको व कोमुरोया इहिपाया घोषणा स्वदँ न्ह्यः जूगु खःसा थीथी कारणं लिज्यानाच्वंगु खः ।
राजकुमारी माको व कोमुरोया इहिपा बेलायतया राजकुमार ह्यारी व मेघन मर्केेलया इहिपानाप तुलना जुयाच्वंगु दु ।

सम्बन्धित बुखँ

LEAVE YOUR COMMENTS