नेकपा (एस)या १५ वडा कार्यकर्ता भेला व वडा कमिटी गठन

येँ – नेपाल कम्युनिष्ट पार्टी (एकीकृत समाजवादी) १५ वडा कमिटीया ग्वसालय् पार्टी कमिटीया कार्यकर्ता भेला व भेटघाट ज्याझ्वः जुल । पार्टीया केन्द्रीय दुजःलिसें प्रतिनिधि सभा सदस्य जीवनराम श्रेष्ठ मूपाहांकथं झायादीगु ज्याझ्वलय् पार्टीया १५ वडा कमिटी नं गठन याःगु खः । राजा शाक्यया अध्यक्षताय् पीन्हय्म्हेसिया नेकया (एस)१५ वडा कमिटी गठन याःगु खः ।

ज्याझ्वलय् नवासें मूपाहां नापं प्रतिनिधिसभा सदस्य श्रेष्ठं नेकपा (एमाले) आः कम्युनिष्ट पार्टी मखयेधुंकल धासें आः एमाले मात्र केपी ओलीया पार्टीइ सीमित जूगु दु धयादिल ।

लोकतान्त्रिक गणतन्त्र नेपाल पक्षधर जुइत पार्टीयाके लोकतान्त्रिक चरित्र नं दयेमाः तर एमालेयाके अज्याःगु चरित्र नं सिधयेधुंकल धासें वय्कलं धयादिल, ‘हरेक पार्टीया थःगु विचाः, सिद्धान्त, नीति दइ, तर अज्याmगु छुं नं विचाः, नीति, सिद्धान्त मदुगु पार्टी गुगुं दुसा व एमाले पार्टी खः ।’

ज्याझ्वलय् नेकपा (एस) प्रदेश कमिटी दुजःलिसें महानगर संयोजक रामेश्वर श्रेष्ठ, प्रदेश कमिटी दुजःलिसें येँ महानगरपालिका वडा नं. १५ या वडाअध्यक्ष ईश्वरमान डंगोल, पार्टीया येँ जिल्लाया दुजःपिं मैयालक्ष्मी महर्जन, भिमसेन राजवाहक, अमर रंजित लगायतपिनिगु उपस्थिति दुुगु खः ।

सम्बन्धित बुखँ

LEAVE YOUR COMMENTS