ने. सं. ११४६ अनलाथ्व पुन्हि -

महाधिवेशन दिकेगु रिट खारेज

येँ – थ्वहे मंसिर ९ गतेनिसें १३ गते तक जुइगु धकाः निर्णय जुयाच्वंगु नेपाली कांग्रेसया १४ क्वःगु महाधिवेशन स्थगित याये माल धकाः सर्वोच्च अदालतय् दर्ता जूगु रिट खारेज याना बिउगु दु । बागमति प्रदेशया कांग्रेस सांसद नरोत्तम वैद्यं दायर यानादीगु उगु रिटयात सर्वोच्च अदालतया अनिल कुमार सिन्हाया एकल इजलासं खारेज याना बिउगु खः ।

वैद्यं कोरोनाया कारण क्यनाः महाधिवेशन स्थगित यायेमाःगु माग यासें रिट तयादीगु खः । नेकां महाधिवेशन निक्वः लिज्यायेधुंकूगु दु ।