अरनिकाे समाजपाखें ज्यापु समाजयात स्वास्थ्य सामग्री ग्वाहालि

यल- अरनिको समाजं ज्यापु समाज यलयात थीथी स्वास्थ्य सामग्री लःल्हाःगु दु । चीनय् अध्ययन याना वःपिं नेपाःमि विद्यार्थीतय् संगठन अरनिको समाजं ज्यापु समाजयात मास्क, स्यानिटाइजर, फेसशिल्ड, पीपीई, थर्मोमिटर लगायतया स्वास्थ्य सामग्री लःल्हाःगु खः । अरनिको समाजया नायः डा. सर्वोत्तम श्रेष्ठं ज्यापु समाजया नायः चन्द्र महर्जनयात उगु स्वास्थ्य सामग्री लःल्हानादीगु खः ।

स्वास्थ्य सामग्री लःल्हासे अरनिको समाजया नायः डा. श्रेष्ठं कोरोना भाइरस (कोभिड–१९) महामारीया इलय् थुकियात नियन्त्रण यायेगु निंतिं ज्यापु समाजं महत्वपूर्ण व च्वछायेबहजू धासे थुकथंया सामग्रीया ग्वाहालिं वइगु दिनय् नं समाजयात भूमिका म्हितेत ग्वाहालि जू वनीगु विश्वास प्वंकादिल ।

ज्यापु समाजया नायः चन्द्रमान महर्जनं महामारीया लय् समाजं क्वारेन्टाइन संचालनय् हःगु जानकारी बियादिसें वइगु दिनय् पोलिक्लिनिक संचालन यायेगुपाखे समाज न्ह्याः वनाच्वंगु जानकारी बियादिल ।
समाजया न्वकु सन्तमान महर्जनं नं नुगःखँ तयादीगु ज्याझ्वलय् अरनिको समाजया महासचिव सुशील प्रजापति, दुजःः डा. कृष्णगोपाल महर्जनलिसें अरनिको सांस्कृतिक प्रवद्र्धनया अजरमान जोशीया नं उपस्थिति दुगु खः ।