किपू नपा १ वडाया वडाध्यक्ष महर्जन मंत

किपू(नेपालभाषा टाइम्स)- किपू नगरपालिका वडा नं. १ या वडाध्यक्ष हिरालाल महर्जन म्हीग चान्हय् मंत । ताः ई न्ह्यवंनिसें स्येँलाया ल्वचं मफयाच्वंम्ह ६१ दँ दुम्ह महर्जन म्हीग चान्हय् यलया मेडिसिटी अस्पतालय् मदुगु खः । वय्कः वंगु २०७९ सालया स्थानीय तहया चुनावय् नेपाली कांग्रेसपाखें त्याःम्ह खः । वय्कःया जहान लिसें निम्ह काय् दी ।
वडाअध्यक्ष महर्जन मदुगु दुःखय् म्हिगः किपू नगरपालिकाय् विदा बिउगु खः । म्हिगः हे किपुलिइ वय्कःया अन्त्येष्टि नं क्वचाःगु दु । लुमंकेबहः, वंगु वैशाख १ गते तिनि किपू नपा वडा नं. ४ या अध्यक्ष श्यामकुमार अधिकारी दुर्घटनाय् लानाः मदुगु खः । आः किपू नपाया निगू वडा वडाध्यक्षविहिन जूगु दु ।