‘अष्टलक्ष्मी जिगु हे सल्लाह कथं झाःगु खः’

येँ- नेकपा (एकीकृत समाजवादी) पार्टीया संयोजक माधव नेपालं अष्टलक्ष्मी शाक्य थःगु हे सल्लाह कथं बागमति प्रदेशया मुख्यमन्त्री जूगु खँ स्वीकार यानादीगु दु । म्हिगः केन्द्रीय कमिटीया बैठक लिपा चन्द्रागिरी रिसोर्टय् पत्रकारलिसे खँ ल्हासें वय्कलं धयादिल, ‘अष्ट कमरेड सल्लाह कथं हे मुख्यमन्त्री जुयादीगु खः, तर आः भचा मछिंगु अवस्थाय् दु । अध्यादेश कथं प्रदेश व स्थानीय तहया प्रतिनिधिपिंत नीछन्हुया दुने पार्टी ल्यये दइगु व्यवस्था दु, उगु व्यवस्था कथं वय्कलं गुगु पार्टी ल्ययादी व वय्कःया हे खँ खः ।’ वय्कःया कथं शाक्यं नीछन्हुया दुने सुयागु पक्षय् ली वयां लिपा जक थःपिनिगु धापू वइगु खँ नं धयादीगु दु ।