कोभिशिल्ड काःपिंत आः अस्ट्राजेनेका

येँ- सरकारं कोरोना विरुद्ध न्हापांगु कोभि शिल्डया न्हापांगु मात्रा काःपिंत अस्ट्राजेनेका खोप बीगु जूगु दु । स्वास्थ्य तथा जन–संख्या मन्त्रालय अन्तर्गतया स्वास्थ्य सेवा विभाग परिवार कल्याण महाशाखां छगू सुचं जारी यासें कोभि शिल्डया न्हापांगु मात्रा काःपिंत निगूगु मात्राय् अस्ट्राजेनेका खोप बीत्यंगु खः ।

सरकारपाखें स्वीकृति प्राप्त राष्ट्रिय कोभिड १९ खोप परिचालन कार्ययोजनाकथं प्राथमिकीकरणय् तयातःपिं थीथी पेशा, उमेर व दीर्घ रोगी समूहयात थीथी चरणय् खोप बीगु लक्ष्यकथं निताजि खोपया प्रयोग यानाः खोप अभियान संचालन याना वयाच्वंगु दु।

थुगु अभियान अन्तर्गत वंगु २०७७ फागुन २३ निसें चैत १० गतेतक सञ्चालन जूगु अभियानया झ्वलय् कोभि शिल्डया न्हापांगु मात्रा कायेधुंकूपिंत निगूगु मात्राया खोप बीगु ई जुइधुंकूगु तर भारतया सिरम इन्ष्टिच्युट अफ इण्डियालिसे सम्झौता जुयाः अग्रिम भुक्तानी तकं जुइधुंकूगु कोभ्याक्स सुविधा अन्तर्गत प्राप्त निर्णयसहितया विश्वस्त पत्रया लिधंसाय् निगूगु मात्राया खोप सुनिश्चितता यानागु खँ महाशाखाया
निर्देशक डा. तारानाथ पोख्रेलं जारी यानादीगु सुचनय् धयातःगु दु ।

सम्बन्धित बुखँ

LEAVE YOUR COMMENTS