ने. सं. ११४६ अनलाथ्व चतुर्दशी -

नेपाल पक्षया नेता रिसोर्टय्

येँ – एमाले तछ्यानाः न्हूगु पार्टी गठन यायेत्यंम्ह नेता माधव नेपालं थः पक्षया केन्द्रीय दुजः व सांसदतय्त सोमवाः बहनी निसें चन्द्रागिरी रिसोर्टय् यंकूगु दु । निर्वाचन आयोगं नेपाल पक्षं दर्ताया निंतिं निवेदन तयातःगु नेकपा एकीकृत (समाजवाद) पार्टी केन्द्रीय दुजः व सांसदतय् सनाखत बुधवाः यायेत्यंगुलिं ओली पक्षं थः पक्षया दुजः व सांसदतय्त प्रभावित मयायेमा धकाः नेपालं उमित रिसोर्टय् तयेयंकूगु खँ सीदुगु दु ।

नेपाल पक्षं न्हूगु पार्टीयात कयाः प्रशिक्षण बीगु व विधानलगायतयात खँय् सहलह यायेत बहनी अन हे द्यने कथं नेतात उखे वनेत्यंगु खँ धाःगु दु । थुकिया निंतिं नेता नेपालया सचिवालयं रिसोर्टय् ५० बेड बुक याःगु खँ सीदुगु दु ।