आः लाइसेन्सया जाँच अःपुकीगु जुल

येँ -आः सवारी साधनया लाइसेन्स कायेत जाँच अःपुकीगु जूगु दु । न्हापा ट्रायल बीबलय् चीधंगु जक गल्ती जूसां फेल जुइगु खःसा आः म्हासुगु ध्वलय् थीगु, स्टार्ट बन्द जुइगु, ह्याउँगु मत च्याःसां न्ह्याः वनेगु थेंज्याःगु गल्ती जूसां पास याना छ्वयेगु नीति दयेकागु खँ यातायात व्यवस्था विभागं धाःगु दु ।

पाःचाय् यंकाः दिके मफुत धाःसा उकी धाःसा फेल जुइ धाःगु दु । न्हूगु नियम कथं आः ट्रायलय् ७० नम्बर जक हःसां गाः ।

न्हापा १०० या १०० हे हये माःगु खः । नापं लिखितय् नं आः न्ह्यसःत न्हापा हे पित बीगु व उकी दुनें हे न्यनेगु नियम हयेत्यंगु दु । उकी धाःसा १०० लय् ६० नम्बर हयेमाः । थ्व न्हूगु नियम कथं आः लाइसेन्सया जाँचय् ५० प्रतिशत पास जुइगु अनुमान याःगु दु ।

सम्बन्धित बुखँ

LEAVE YOUR COMMENTS