अध्यादेशयात सकभनं विरोध
येँ -प्रधानमन्त्री शेर बहादुर देउवां हःगु दल विभाजन सम्बन्धी अध्यादेशयात कयाः सत्तारुढ दल नेपाली कांग्रेस नं विरोध पिहां वःगु दु । कांग्रेसया नेता डा. शेखर कोइरालां ट्विट यासें अध्यादेशपाखें राजकाज चले यायेगु सोचयात समर्थन याये मफइगु खँ धयादीगु दु ।
अथे हे कांग्रेसया युवा नेता प्रदीप पौडेलं नं न्हापा केपी ओलीं अध्यादेश हःबलय् थःपिंसं उकिया विरोध यानागु खँ लुमंकादीगु दु ।
पुलांम्ह प्रधानमन्त्री लिसें एमालेया अध्यक्ष केपी ओलीं नं अध्यादेशया विरोध यानादीगु खः । न्हापा वय्कः प्रधानमन्त्री जुयाच्वंगु इलय् वय्कलं हे न्हापांखुसी थज्याःगु अध्यादेश हयादीगु खः । वय्कलं एमाले विभाजन याइपिनिगु कुतः कथं अध्यादेश हःगु धासें थ्व अध्यादेश लित कायेत समेत इनाप यानादीगु दु ।
उकथं हे माधव नेपाल पुचःया युवा नेता योगेश भट्टराईं नं अध्यादेशया आलोचना यानादीगु दु । थ्व अध्यादेशं पार्टी एकतायात लिच्वः लाइ धासें वय्कलं माधव नेपाल व केपी ओली दथुइ वार्ता याकेमाःगु माग यानादीगु दु ।
रण मनूतय्सं नं कडा रुपं विरोध यानाच्वंगु दु । अध्यादेश विरुद्ध थनया थनया वानेश्वरय् एमाले समर्थित युवा संघं प्रदर्शन नं याःगु दु ।
LEAVE YOUR COMMENTS