न्यातापोल कर्नरया हिदान ज्याझ्वः

ख्वप – न्यातापोल कर्नर टीमया ३८ क्वःगु वार्षिकोत्सवया लसताय् छगू हिदान ज्याझ्वः जुल । टीमया वार्षिकोत्सवया लसताय् थनया वडा नं. ४ स्थित गःहिति, लैको, तःमधि त्वालय् उगु हिदान ज्याझ्वः जूगु खः ।

नेपाल स्वयंसेवी रक्तदाता समाजया केन्द्रीय अध्यक्ष पे्रमसागर कर्माचार्यं हिया म्हिचा लःल्हानाः उलेज्या यानादीगु ज्याझ्वलय् मुक्कं ४२ म्हेसिनं हिदान यानादीगु खःसा वय्कःपिंत दसिपौ नं मूपाहां कर्माचार्यं लःल्हानादीगु खः ।

संस्थाया अध्यक्ष मुक्तिसुनदर जधारीया सभापतित्वय् जूगु हिदान ज्याझ्वः समाजया आह्वानय् जूगु खः ।