पासा पुचः गुथि युकेया ‘म्युजिक, मस्ती, मोहनि’ ज्याझ्वः
येँ (नेपालभाषा टाइम्स)÷ पासा पुचः गुथि युकेया ग्वसालय् मोहनि नखःया लसताय् ‘म्युजिक, मस्ती, मोहनि’ ज्याझ्वः जुल । हाकु पतासिया संकेत कथं ‘हाकुगु व ह्याउँगुु’ थिमय् ज्याझ्वः जूगु खः ।
सछिम्हं मल्याक ब्वति काःगु ज्याझ्वलय् गुथिया दकलय् जिथिम्ह दुजः रेणु मानन्धरं सिन्हः तिकाः क्वखा लःल्हाःगु खः । सहभागीपिंत नेवाः तजिलजि कथं समयबजि, नेवाः भ्वय् नकूगु खः ।
ज्याझ्वलय् थीथी कलकारपिंसं लोकंह्वाःगु म्येँ न्यंकेगु लिसें हुलाप्याखं न्ह्यब्वयेगु, चिनाखँ वाचन यायेगु ज्या जूगु खः । ज्याझ्वलय् न्ह्यइपुक प्याखं ल्हुइगु निंतिं डिजे हेम बिस्टपाखें न्ह्यइपुगु प्रस्तुति बिउगु खः । ज्याझ्वलय् उत्कृष्ट मिजं डान्सर, उत्कृष्ट मिसा डान्सर, बांलाःगु मिसा वसः, बांलाःगु मिजं वसः, बांलाःगु मिजंमचा वसः, बांलाःगु मिसा मचा वसः नं ल्ययेगु ज्या जूगु खः ।
ज्याझ्वलय् पासा पुचः गुथि युकेया अध्यक्ष, छ्याञ्जेपिंसं नं विशेष प्रस्तुति बिउगु खः ।
LEAVE YOUR COMMENTS