बेन्जिमा खुदँ लिपा राष्ट्रिय टिमय्
एजेन्सी- फ्रान्सं खुदँ लिपा करिम बेन्जिमायात राष्ट्रिय टिमय् दुथ्याकूगु दु । युरो कपया २६ सदस्यीय टिमय् प्रशिक्षक डिडियर डेसच्याम्पं स्पेनिस क्लब रियल म्याड्रिडया फरवार्ड करिम बेन्जिमायात दुथ्याकूगु खः ।
सन् २०१५ निसें राष्ट्रिय टिमय् दुमथ्याःगुलिं बेन्जिमां सन् २०१६य् जूगु युरो कप व सन् २०१८ य् जूगु विश्वकप म्हितेमखंगु खः । सन् २०१५य् जूगु सेक्स स्क्यान्डलया कारणं बेन्जिमायात राष्ट्रिय टिमं लिकाःगु खः। बेन्जिमा फ्रान्सया राष्ट्रिय टिम पाखें ८१ गू कासा म्हितेधुंकूगु दुसा राष्ट्रिय टिमया निंतिं २७ गोल याःगु दु ।
फ्रान्सं युरो कपया नितिं घोषणा याःगु २६ सदस्यीय टिमय् च्याम्ह फरवार्ड, स्वम्ह गोलकिपर, खुम्ह मिडफिल्डर व गुम्ह डिफेन्डर दु । युरो कपय् फ्रान्स ग्रुप ‘एफ’य् दु । थ्व ग्रुपय् फ्रान्सलिसें जर्मनी, पोचुर्गल व हंगेरी दु । युरोकप वइगु जुननिसें न्ह्याइ ।
LEAVE YOUR COMMENTS