संसद पुनःस्थापना जूगु लसताय् दीपावली

येँ-  सर्वोच्च अदालतपाखें संसद पुनःस्थापना याःगु लसताय् दीपावली ज्याझ्वः याःगु दु । येँ महानगरपालिका १८ वडा नेपाली कांग्रेसपाखें उगु दीपावली ज्याझ्वः याःगु खः ।
नेपाःया संविधानया मर्मकथं सर्वोच्चं व्यवस्थापिका संसद पुनःस्थापना याःगु लसताय् त्यंघः दबुलिइ उगु दीपावली ज्याझ्वः याःगु खः ।

ज्येष्ठ नागरिक समिति येँ जिल्ला सभापति डिल्लीराम नकःमिया सभापतित्वय् जूगु ज्याझ्वलय् प्रतिनिधिसभा सदस्य भीमसेनदास प्रधान मूपाहांकथं झायादीगु खः ।
ज्याझ्वलय् थःगु नुगःखँ तयादिसें सांसद प्रधानं संविधानयात सुनानं थः यथे छ्यले मजिउगु व छ्यले नं फइमखु धइगु दसु सर्वोच्चं संसद पुनःस्थापना याःगु घटनायात कायेमाः धयादिल ।

पाहांकथं झायादीम्ह येँ मनपा २५ वडाअध्यक्ष नीलकाजी शाक्यं यक्वसिया त्याग व बलिदानपाखें वःगु संविधानया रक्षा यायेगु सकसिगुं कर्तव्य खः धयादिल ।
सभापति प्रधानं लसकुस यानादीगु ज्याझ्वलय् ज्याझ्वःया संयोजक हेराकाजी प्रजापतिं सुभाय् देछानादीगु खः ।

सम्बन्धित बुखँ

LEAVE YOUR COMMENTS