राष्ट्रपतियात राजीनामा बीत कानूनविद्तय् सुझाव

येँ – सर्वोच्च अदालतं प्रतिनिधिसभा विघटन विरुद्ध फैसला यायेवं आः राष्ट्रपति विद्या भण्डारीयात कयाः नं थीथी न्ह्यसः ब्वलनेगु शुरु जूगु दु । प्रधानमन्त्री केपी शर्मा ओलीया असंवैधानिक पलाःया विरुद्ध पटक पटक मुद्दा लाःगु जक मखुसें आपालं मुद्दाय् सरकार पराजित जुइधुंकाः प्रधानमन्त्री ओलीया पलाःयात तिबः बिउम्ह राष्ट्रपति विद्यादेवी भण्डारी नं नैतिक रुपं राष्ट्रपति पदय् च्वनेमजिउगु खँ चर्चा जुयाच्वंगु दु ।

थ्वहे झ्वलय् सर्वोच्च अदालतय् वहस याःपिं आपालं धइथें अधिवक्तातय्सं राष्ट्रपति भण्डारीं आः नैतिकताया आधारय् राजीनामा बीत सुझाव बिउगु दु । पुलांम्ह प्रधानन्यायाधीश अनुप राज शर्मां ला आः राष्ट्रपति विरुद्ध महाभियोगया प्रस्ताव तयेमाः धकाः नं बिचाः तयादीगु दु ।

नेपालभाषा टाइम्स

च्वमिया मेमेगु

• भाषासेवी विष्णु चित्रकार मंत, कन्हय् जगतसुन्दर ब्वनेकुथिइ अन्तिम श्रद्धाञ्जलीया निंतिं तइगु
• कुमारी छेँया त्वरं पुनर्स्थापना (भिडियाे रिपाेर्ट)
• बोस्टनय् सक्वया सम्पदाया चित्रकला ब्वज्या
• एनपीपीएया नायः पदय् शान्ति श्रेष्ठ
• समाजसेवी दिलबहादुर मानन्धर मंत