चःमतिइ युवा संघया वृक्षारोपण

येँ- राष्ट्रिय युवा संघ नेपालं येँ महानगरपालिका वडा नं. १५ स्थित चःमतिइ वृक्षारोपण याःगु दु । राष्ट्रिय युवा संघ नेपाल केन्द्रपाखें उगु वृक्षारोपण याःगु खः । संघया केन्द्रीय अध्यक्ष किरण पौडेलया प्रमुख आतिथ्यता व जिल्ला समन्वय समिति येँया प्रमुख शिवराज वैद्यया विशेष आतिथ्यताय् उगु वृक्षारोपण ज्याझ्वः जूगु खः ।

वृक्षारोपण ज्याझ्वलय् नवासें मूपाहां पौडेलं छुं दँ न्ह्यः तक सुस्त जुयाच्वंगु संघं आः गति काःगु दु धासें थुकथंया ज्याझ्वःयात निरन्तरता बियाः ल्याय्म्हतय्त परिचालन याना वनेत संघं बिस्कं ज्याझ्वः हयेगु जुइ धयादिल । वय्कलं संघया १५ वडा कमिटी थें जिल्लाया मेमेगु कमिटीयात नं सक्रिय यायेमाःगु आवश्यक जू धयादिल ।

विशेष पाहां वैद्यं संघं हःगु थुकथंया ज्या तसकं च्वछायेबहजू धासें अप्वया वनाच्वंगु सहरीकरणया कारणं प्रकृतिया विनास जुयाच्वंगु अवस्थाय् थुकथंया ज्याझ्वः महत्वपूर्ण जू धयादिल । ज्याझ्वलय् नेकपा एमाले ८ नं क्षेत्रया सचिव उदय पसखलः, सदस्य शंकर केसी, कार्यालय सचिव आनन्दराम गौतम, नेकपा (एमाले) १५ वडा कमिटी, संघया वडा कमिटी, जिल्ला कमिटीया दुजःपिनिगु उपस्थिति दुगु खः ।

सम्बन्धित बुखँ

LEAVE YOUR COMMENTS