कामपां ज्यालादारी मजदुरतय् विवरण संकलन याइगु

येँ महानगरपालिकां ज्यालादारी यानाः न्हियान्हिथं म्वायेमाःपिं मजदुरतय् विवरण संकलन याइगु जूगु दु । देय्न्यंक लकडाउनया अवस्था जुयाच्वंगु इलय् ज्यालादारी मजदुरतय्त समस्या वयाच्वंगु खँयात वाःचायेकाः इमिगु विवरण संकलन यायेत्यंगु खः । बिहीवाः च्वंगु महानगरपालिकाया मुँज्यां आवश्यक जूपिंत लिपा राहत नं बीगु खँ धाःगु दु ।

अथेहे मुँज्यां फोहोर व्यवस्थापन यायेगु ज्यायात चुस्त यायेगु व सरसफाईया ज्या याइपिंत शत प्रतिशत भट्टा बीगु निर्णय नं याःगु दु । नापं महानगरया फुक्क थासय् क्लोरिन तया सफा याइगु जूगु दु ।

नापं कोरोनाया वासः याइपिं स्वास्थ्यकर्मीतय् निंतिं अत्यावश्यक जूगु पीपीई गनंफत अनं संकलन यायेगु, दयेकेबीगु व आवश्यक थासय् इनेगु खँ नं धाःगु दु ।

(ने. सं. ११४० चाैलाथ्व द्वितीया / वि. सं २०७६ चैत १३, बिहिवाः)

सम्बन्धित बुखँ

LEAVE YOUR COMMENTS