न्हदँ समारोह समितिं प्रमयात ज्ञापन पौ लःल्हात

येँ(नेपालभाषा टाइम्स)÷नेपाल संवत् न्हूदँ राष्ट्रिय समारोह समिति–११४३या छगू प्रतिनिधिमण्डलं प्रधानमन्त्री शेरबहादुर देउवायात नाप लाःगु दु । समारोह समितिया नायः प्रा. डा. नरेशमान वज्राचार्यया नेतृत्वय् वंगु प्रतिनिधिमण्लं प्रम देउवायात नाप लाःगु खः ।

समारोह समितिपाखें नेपाल संवत् ११४३ न्हूदँया लसताय् कछलाथ्व पारुकुन्हु वसन्तपुलिइ जुइगु न्हूदँया भिंतुना सभाय् मूपाहांकथं ब्वति कयादीत इनाप याःगु खः ।

उगु इलय् समारोह समितिं प्रम देउवा समक्ष थीथी न्हय्गू बुँदाया ज्ञापन पौ नं लःल्हाःगु खः । नेपाल संवत्यात सम्मान यायेमाःगु, नेपाल संवत् सरकारी स्तरय् छ्यलाबुलाय् हयेमाःगु, नेपाल संवत्यात पाठ्यक्रमय् दुथ्याकेमाःगु लगायत थीथी न्हय्गू बुँदाया ज्ञापन पौ लःल्हाःगु खः ।

ज्ञापन पौ लःल्हाना कासें प्रम देउवां सम्बन्धित पक्षलिसे सहलह यानाः नेपाल संवत् लागू यायेगु नापं समितिं लःल्हाःगु ज्ञापन पौ कार्यान्वयन निंतिं कुतः यायेगु बचं बियादीगु खः ।

 

सम्बन्धित बुखँ

LEAVE YOUR COMMENTS