प्रभु साहया छेँय् मिसातय् धर्ना

येँ – माओवादी त्वःताः एमालेय् दुहां वंम्ह पुलांम्ह मन्त्री प्रभु साहयात म्हिगः मिसातय् छगू पुचलं ख्वालय् हाखः पाकेगु कुतः यात । तर इलय् हे प्रहरी वयाः बचे याःगुलिं वय्कःयात अज्याःगु छुं ज्या धाःसा याये मफुत । ‘जय नारी’ नामं म्हसिउम्ह सावित्री सुवेदीया पुचलं साहया तीनकुनेस्थित छेँ घेरे यानाः ख्वालय् हाखः पाकेगु कुतः याःगु खः ।

साहं सावित्रीयाके २०४७ सालय्कयातःगु ध्यबा आः तक मबिउ धासें छेँ घेरे याः वःगु खः । साहं अबलय् काःगु ध्यबा थः मन्त्री जुइवं पुला बी धयातःगु जुयाच्वन । तर मन्त्री जुइधुंकाः नं ध्यबा मबिउगुलिं साहयात घेरे याः वंगु खः । साह मन्त्री जुयाच्वंगु इलय् ध्यबा फँसे जूपिं मिसातय्सं यक्व फोन याःगु खःसां वय्कलं ल्ह्वनामदीगु खःसा मन्त्री मखयेधुंकाः झन हे वास्ता मयाःगु खँ पीडित मिसातय्सं धाःगु दु ।