पूर्व माओवादीत नं अदालत वनीगु

येँ – थःपिंत असंवैधानिक कथं प्रतिनिधिसभा दुजः– पाखें चीकूगु दावी यासें प्रतिनिधिसभाय् माओवादीपाखें निर्वाचित प्यम्ह निवर्त– मान सांसदतय्सं सर्वोच्च अदालत वनेगु तयारी यानाच्वंगु खँ सीदुगु दु ।

उकिया नितिं वय्कःपिसं कानुनी परामर्श यानाच्वंगु दुसा रिट निवेदनया ड्राफ्ट दयेकेगु ज्या नं यानाच्वंगु दु । माओवादी केन्द्र त्वःताः एमालेपाखे वनेधुंकाः प्रतिनिधिसभा दुजःपिं लेखराज भट्ट, प्रभु साह, टोपबहादुर रायमाझी व गौरीशंकर चौधरीयात माओवादी केन्द्रं कारबाही यासें पदमुक्त यायेत संसद सचिवालयं सिफारिस याःगु खः ।

माओवादीया सिफारिसय् वय्कःपिं पदमुक्त जुइधुंकूगु दु । तर वय्कःपिसं थःपिंत याःगु कारबाही याःगु व पदमुक्त याःगु सम्बन्धी निर्णय अवैध जूगु धासें सर्वोच्च अदालतय् रिट दायर यायेत्यंगु खः ।

थौंकन्हय् प्रतिनिधिसभा विघटन जुयाच्वंगु अवस्थाय् दु । छुं जुयाः सर्वोच्च अदालतं संसद पुनस्र्थापना यायेगु पैmसला धाःसा तत्काल मुद्दा दायर याये फइगु कथं उमिसं तयारी जुयाच्वंगु खँ धाःगु दु ।

सम्बन्धित बुखँ

LEAVE YOUR COMMENTS