मरुसतःयात मनपाया मेगु १ करोड

येँ – मरुसतः दयेकेगु लागिं येँ महानगरपालिकां काष्ठमण्डप पुनर्निर्माण समितियात मेगु १ करोड तका अनुदान बिउगु दु । थ्व नापं यानाः मरुसतः दयेकेगु लागिं येँ मनपां बिउगु अनुदानया दां ११ करोड ५० लाख तका थ्यंगु दु । थ्व स्वयां न्ह्यः स्वक्वः यानाः झिगूत्या करोड तका दां बीधुंकूगु दु । येँ मनपाया प्रमुख विद्यासुन्दर शाक्यं मरुसतः दयेकेत मनपां आर्थिक अभाव जुइके बी मखु धासें आः याकनं हे थुकिया पुनर्निर्माण सम्पन्न जुइगु खँ कनादीगु दु । समितिया संयोजक सांसद राजेश शाक्यं १२ करोड तकां मरुसतः दयेकेगु लक्ष्य दुगु खः धासें क्वःछिनातःगु इलय् हे थुकिया उलेज्या जुइगु खँ कनादीगु दु ।

सम्बन्धित बुखँ

LEAVE YOUR COMMENTS