जितः वँय्चाः खिचां न्यात ला माधवया नां कायेत ?’

येँ – प्रधानमन्त्री केपी शर्मा ओलीं एमालेया वरिष्ठ नेता माधवकुमार नेपालयात लज्या मचाःम्ह मनू धकाः टिप्पणी यानादीगु दु । नेता नेपालं एमालेया नीति मखुसें प्रचण्डपथयात नालाकाःगु द्वपं नं बियादीगु दु ।

मदुम्ह मदन भण्डारीया ७० क्वःगु बुदिं न्यायेकेत म्हिगः बालुवाटारय् जूगु ज्याझ्वःयात सम्बोधन यासें वय्कलं उगु टिप्पणी यानादीगु दु । वय्कलं धयादिल, ‘माधव नेपाल धाइम्ह कांग्रेसया लिउलिउ ब्वाँय् वनीम्ह छम्ह मनू दु, नेपाःया राजनीतिइ सकस्यां म्हसिउ छाय्धाःसां अप्वः धयाथें चर्चा जुयाच्वनी, थुलि तक मनू पतन जुइ खनी, कम्युनिष्टया सरकार क्वःथलेगु, प्रमुख प्रतिपक्षया नेतृत्वया सरकार दयेकेत स्वइगु, कम्युनिष्ट आन्दोलन मदयेकेत स्वइगु, मेखे वनेधुंकाः नं एमालेया वरिष्ठ नेता खः धकाः धायेगु, थज्याःगु लाज सरम पचे जूम्ह मनूया चर्चा सकारात्मक ल्याखं मखु नकारात्मक ल्याखं जक चर्चा जुइ ।’

थ्वहे झ्वलय् प्रम ओलीया उगु धापू लिपा नेता नेपालं नं वय्कःयात लिसः बियादीगु दु । म्हिगः विपक्षी गठबन्धन नागरिक समाज लिसेया सहलह ज्याझ्वलय् न्ववासें वय्कलं प्रधानमन्त्री ओलीया भाषण रेकर्ड याना तयेत इनाप यानादीगु दु । सहलह ज्याझ्वलय् नेता नेपालं धयादिल, ‘सिस्टम दयेकां जक मजिउ खनिं, बांलाःगु संस्कार नं माः, जितः वँय् चाःम्ह खिचा धाल, वय्कःया भाषण ध्यान बी लायक जू, रेकर्ड यानाः तयादिसँ ।’

उकथं हे माओवादी केन्द्रया अध्यक्ष पुष्पकमल दाहालं संविधान, लोकतन्त्र व राष्ट्रियता रक्षा यायेगु बाहेक थःपिनिगु मेगु स्वार्थ मदुगु धासें प्रम ओली गणतन्त्र, धर्मनिरपेक्षताया पक्षय् नं मखु, ओलीया राष्ट्रवादया धोति फुस्के जुइधुंकल धयादिल ।

सम्बन्धित बुखँ

LEAVE YOUR COMMENTS