नेपाःया फुक्कं दलतलिसे स्वापू क्वातुकेत भाजपा इच्छुक

येँ -सत्तारुढ भारतीय जनता पार्टीया विदेश विभाग प्रमुख विजय चौथाईवां नेपाःया फुक्कं राजनीतिक दलत लिसे सम्बन्ध विस्तार यायेत थः आतुर जुयाच्वनागु खँ धयादीगु दु ।
नेपाल इन्स्टिच्युट फर इन्टरनेसनल कोअपरेसन एण्ड इन्गेजमेन्टं ग्वसाः ग्वःगु ज्याझ्वलय् न्ववासें वय्कलं थःगु लिपांगु नेपाल भ्रमणया इलय् उकिया शुरुवात जूसां नं कोरोना महामारीया कारणं दिनाच्वंगु खँ कनादिल ।

वय्कलं कोरोना महामारी क्वचायेवं दलतय् दथुइ संवाद आदान प्रदान निरन्तर जुइगु खँ धासें धयादिल, ‘निगू देय्या राजनीतिक दलतय् दथुइ जुइगु आदान प्रदानं निगू पक्षीय सम्बन्धयात क्वातुकी, थुकिं छम्हं मेम्हेसित थुइकेगु, सुदृढ दयेकेत व छुं असमझदारी दुसा चीकेत ग्वाहालि याइ ।’

वय्कलं नेपालं भारतय् प्रधानमन्त्री नरेन्द्र मोदी स्वयां बांलाःम्ह मेम्ह नेता लुइके मफइगु खँ नं धयादिल ।

नेता चौथाइवां छुं राजनीतिक दल भारत वनाः लिहां वयेधुंकाः भारत विरोधी अभिव्यक्ति बीगु यानाच्वंगु खँ कनादिसें भाजपा भारतया दकलय् तःधंगु राजनीतिक दल जूगुलिं नेपाःया फुक्कं राजनीतिक दलत लिसे सम्बन्ध तये चाहे जूगु खँ कनादिल ।

सम्बन्धित बुखँ

LEAVE YOUR COMMENTS