प्रशान्त महासागरया लिच्वः नेपालय्
येँ – नेपाःया थीथी लागाय् थौंकन्हय् धनजनया क्षति जुइक वा वयाच्वंगुया कारण प्रशान्त महासागरया लः माक्व स्वयां अप्वः ख्वाउँगुलिं खः धाःगु दु । वरिष्ठ मौसमविद् मणिरत्न शाक्यं ‘नेपालभाषा टाइम्स’ यात कनादीकथं प्रशान्त महासागरया लः यक्व ख्वाउँगुलिं नेपालय् अप्वः वा वःगु खः ।
मौसमविद् शाक्यया कथं थ्वहे कारणं यानाः नेपालय् मेगु निन्हु प्यन्हु अझ तसकं वा वइगु सम्भावना दु । थौंकन्हय् प्रशान्त महासागर व अरब महासागरया मनसुन नेपालय् सक्रिय जुयाच्वंगु खँ कँसें वय्कलं विश्वन्यंकं अप्वया वनाच्वंगु तापक्रमया कारणं नं लाथेपाथे वा वयाच्वंगु खः धयादिल । वय्कःया कथं प्रशान्त महासागरय् नियमित प्रक्रिया कथं हे हरेक प्यदँ न्यादँय् छक्वः थथे लः ख्वाउँया वनेगु याइ गुकिया लिच्वः जलवायुलय् लाः वनी ।
LEAVE YOUR COMMENTS