
यल- ललितपुर सुनचाँदी व्यवसायी संघया च्याक्वःगु दँमुँज्या वंगु शनिवाः यलया अग्नी पार्टी प्यालेसय् क्वचाल । मूपाहां नेपाल सुनचाँदी व्यवसायी महासंघया न्हूम्ह नायः माणिकरत्न शाक्यं त्वाःदेवाय् मत च्याकाः शुरु जूगु उगु ज्याझ्वलय् संघया महासचिव विपिन शाक्यं वार्षिक प्रतिवेदन, कोषाध्यक्ष हेराकाजी शाक्यं आर्थिक प्रतिवेदन न्ह्यब्वयादीगु खःसा संघया सल्लाहकार तेजरत्न शाक्य, विशेष पाहां बागमति प्रदेशया सभापति ज्योतिरत्न वज्राचार्य, मूपाहां माणिकरत्न शाक्यपिंसं संघयाबारे थःथःपिनि नुगःखँ प्वंकादीगु खः ।
ज्याझ्वलय् मूपाहां नेपाल सुनचाँदी व्यवसायी महासंघया नवनिर्वाचित जुयादीपिं अध्यक्ष माणिकरत्न शाक्य, उपाध्यक्ष महेन्द्ररत्न शाक्य, सचिवय् किरणभाई वज्राचार्य, कार्यसमिति दुजःपिं सुबिन वज्राचार्य व टेकरत्न वज्राचार्य नापं एशोशियट सदस्यय् निर्वाचित जुयादीम्ह सुजित शाक्यपिंत कार्यकालया सफलता कामना यासें मतिनाया चिं देछाःगु खःसा बागमति प्रदेशया सभापति ज्योतिरत्न वज्राचार्य व बागमति प्रदेशया कोषाध्यक्ष नापं संघया अध्यक्ष रमेशबहादुर शाक्ययात नं सम्मान यायेगु ज्या जूगु खः ।
संघया अध्यक्ष रमेशबहादुर शाक्यया सभापतित्वय् न्ह्यागु उगु ज्याझ्वलय् संघया प्रथम उपाध्यक्ष मोतिमान (हेम) शाक्यं सुभाय् बियादीगु खः ।
LEAVE YOUR COMMENTS