कोरोना पनेत जुवा तास प्रतिबन्ध !

येँ – कोरोना महामारी पनेगु लागिं थीथी निकायत थीथी कथंया ज्याय् व्यस्त जुयाच्वंगु इलय् भोटेकोशी गाउँपालिकाया वडा नं. १ धाःसा कोरोना नियन्त्रणया लागिं जुवा तास पनेगु ज्याय् खटे जूगु दु । अनया वडा अध्यक्ष मुके शेर्पां छगू सुचं पिकासें थःपिनि वडाय् जुवा तास म्हितीगु इलय् तास फिटे याइबलय् म्हुतुइ च्वंगु ई काइगु व उगु ईपाखें कोरोना संक्रमण न्यना वने फइगु कारणं आवंलिं वडाय् जुवा तास म्हिते दइ मखु धकाः सचेत याःगु दु । कोरोना नियन्त्रण यायेमाःगु जुयाः वडाय् जुवा तास म्हितेगुली प्रतिबन्ध तयेमाःगु खँ सुचनय् धयातःगु दु । छुं जुयाः जुवा तास म्हितल व उकिं यानाः कोरोनां कल धाःसा वयात कारवाही यायेगु ख्याच्वः नं वडा अध्यक्षया सुचनय् धयातःगु दु ।

सम्बन्धित बुखँ

LEAVE YOUR COMMENTS