लुम्बिनी थाइ विहारया भन्तेपाखें स्वास्थ्य सामग्री वितरण

किपू-  लुम्बिनीस्थित थाइ विहारया भिक्षुपाखें थःगु कुतलय् स्वास्थ्य सामग्री वितरण याना वयाच्वना बिज्याःगु दु । बुद्ध जन्मस्थल लुम्बिनीस्थित राजकीय थाइ विहारया प्रमुख भिक्षु फ्रा श्री बोधिविदेश सुफोटं थःगु हे व्यक्तिगत कुतलय् कोरोना भाइरस विरुद्ध आवश्यक स्वास्थ्य सामग्री वितरण याना वयाच्वनाबिज्याःगु खः ।

थाइ विहार प्रमुख भिक्षु सुफोटं थःगु हे कुतलं मानवीय ग्वाहालि यायेगु भ्mवलय् लुम्बिनी प्रादेशिक अस्पताल व बुटवलस्थित अन्तर्राष्ट्रिय बुद्ध परियत्ति उदय विहारयात उकथं ग्वाहालि याना बिज्याःगु खः ।

वसपोलं अस्पताल व विहारया निंतिं स्वास्थ्य सामग्रीलिसें खाद्यान्न ग्वाहालि यानाबिज्याःगु खः । वसपोलं थाइ राजकीय विहारपाखें २ गः व नेपाःस्थित थाइ राजदूतावारपाखें निगः यानाः प्यंगः अक्सिजन कन्सन्टे«टर, सर्जिकल मास्क, ग्लोब्स व स्यानिटाइजर लगायतया सामग्री वितरण याना बिज्याःगु खः । थुकथं हे विहारया निंतिं खाद्यान्न ग्वाहालि याना बिज्याःगु खः ।

थ्व स्वयां न्ह्यः नं वसपोलं कपिलवस्तु, बुटवल, भैरहवाया अस्पतालयात थीथी स्वास्थ्य सामग्री ग्वाहालिकथं लःल्हानाबिज्याःगु खः ।

सम्बन्धित बुखँ

LEAVE YOUR COMMENTS