सरकार गठन बारे एमालेय् निगू बिचाः

येँ (नेपालभाषा टाइम्स)÷ चुनावय् निगूगु शक्तिइ लिकुं वंगु नेकपा (एमाले) दुने आः सरकार गठनया लागिं कुतः यायेगु लाकि मयायेगु धइगु विषयय् निगू बिचाः पिहां वःगु खँ सीदुगु दु ।

छगू पुचलं यदि गठबन्धन त्वाःथले फत धाःसा थःपिनि नेतृत्वय् सरकार गठन याये फइगु प्रवल सम्भावना दुगुलिं सरकार गठनया लागिं कुतः यायेमाः धइगु बिचाः तयाच्वंगु दुसा मेगु पुचलं धाःसा यदि एमालें सरकार दयेकेगु जुल धाःसा माओवादी केन्द्रयात क्वबी माली, उकिं अज्याःगु ज्या मयाये धइगु राय तयाच्वंगु दु ।

थ्व इलय् माओवादी गुखे वन उखे हे सरकार गठन जुइगु सम्भावना दुगुलिं एमालें माओवादीयात हे प्रधानमन्त्री दयेके बीगु जुल धाःसा जक सरकार गठन याये फइगु सम्भावना दु ।

तर एमाले दुने ओलीया लिक्क लाःगु छथ्वः नेतात धाःसा न्हापा नं दाहालयात क्वबिउगुलिं पार्टीयात यक्व क्षति जुल, उकिं आः हानं दाहालयात क्वबियाः सरकार दयेकेमाःसा बरु प्रतिपक्षय् च्वनेगु पाय्छि धइगु लाइनय् दु ।

सम्बन्धित बुखँ

LEAVE YOUR COMMENTS