आर्थिक ज्याखँ चलायमान यायेत निर्देशन

येँ – गृह मन्त्रालयं कोरोना संक्रमणया कारणं प्रभावित जूगु देय्या आर्थिक गतिविधि चलायमान जुइ कथं कार्ययोजना दयेकेत ७७ गू जिल्ला प्रशासन कार्यालय व सुरक्षा अधिकारीपिंत निर्देशन बिउगु दु ।
न्हू नियुक्त जूम्ह गृहमन्त्री खगराज अधिकारीया निर्देशन कथं मन्त्रालयं झिंनिगू बुँदाया परिपत्र जारी याःगु दु । मन्त्रालयया निर्देशनय् सरकारं सञ्चालन यानाच्वंगु विकास आयोजना क्वःछिनागु इलय् क्वचायेकेत व प्रभावकारी समन्वय, सहजीकरण लिसें अनुगमन यानाः विकास निर्माणया ज्यायात तीव्रता बीत निर्देशन बियातःगु दु ।

उकथं हे पतिइ आः तकया निषेधाज्ञा आदेश कार्यान्वयनया समीक्षा यासें जनस्वास्थ्यय् नकारात्मक लिच्वः मलाइ कथं स्वास्थ्य मापदण्ड नालाः आर्थिक गतिविधि न्ह्याकेत नं निर्देशन बियातःगु दु ।
अथे हे पती वइगु कार्तिक २६ व मंसीर ३ गते सरकारं घोषणा यानातःगु प्रतिनिधिसभाया निर्वाचन भयरहित, निष्पक्ष व विश्वास यायेबहः जुइ कथं समन्वय यानाः तत्काल निर्वाचन कार्ययोजना तयार यायेत नं निर्देशन बियातःगु दु ।