स्वयम्भूइ तःगु अधिकारीतय् शिलापत्र चीकल

येँ – थनया स्वयम्भू लागाय् आकाझाकां तये छगू शिलापत्र म्हिगः स्थानीय वासिन्दा जानाः लिकया छ्वत । छथ्वः अधिकारी थरया मनूतय्सं थःपिंसं वंगु १०२ न्ह्यवंनिसें अन विन्दासिनीया पुजा याना वयाच्वनागु दावी यासें अन छुं न्हि न्ह्यः शिलापत्र तया थकूगु खः । आनन्दकुटी विहार लागाय् तयातःगु उगु शिलापत्रं सामाजिक सद्भाव स्यंकीगु खने दुगु धासें म्हिगः लिकया छ्वःगु खः ।

देशय् निषेधाज्ञा लागू जुयाच्वंगु इलय् आकाझाकां वयाः अन दुराग्रहपूर्वक शिलापत्र तया थकूगु खने दयेवं म्हिगः स्वयम्भू व्यवस्थापन समिति व स्थानीय वासिन्दाया दथुइ खँल्हाबल्हा जूगु खः । थज्याःगु शिलापत्र तयाः अन क्षेत्रया जग्गा कब्जा यायेगु नियत तःगु खनेदु धाःगु दु । शिलापत्र चीकेधुंकाः सुनां नं विरोध याः मवःनिगु खँ धाःगु दु ।

सम्बन्धित बुखँ

LEAVE YOUR COMMENTS