ने. सं. ११४४ चौलागा सप्तमी -

जैशीदेवलया मेयर कपय् येँ महानगरपालिका च्याम्पियन

येँ (नेपालभाषा टाइम्स)-‘स्वास्थ्यया निंतिं खेलकुद, राष्ट्रया निंतिं खेलकुद, देशया निंतिं खेलाडी’ धइगु मू नारा ज्वनाः वंगु माघ २६ व २७ गते निन्हुयंकं यलया तेक्वाण्डो भवनय् जैशीदेवल युथ क्लबया ग्वसालय् जूगु प्यक्वःगु बागमती प्रदेशस्तरीय जुनियर आमन्त्रण मेयर कप तेक्वान्डो धेंधेंबल्लाः कसाय् येँ महानगरपालिका च्याम्पियन जूगु दु ।

मुक्कं १८ नगरपालिका व मेगु निगू पुचः यानाः २० गू पुचलं ब्वति काःगु थुगु धेंधेंबल्लाः कासाय् लिउ ग्वसाः पुचः जैशीदेवल युथ क्लब व लियांलिउ गोदावरी नगरपालिका लाःगु दु ।

उगु कासाय् मिजं पुचलय् ४२–४६ केजिइ कैलाश थापा येँमपा, ५०–५४ केजिइ निश्चल घोली येँमपा, २८–३१ केजिइ अकेन्द्र बुढाथोकी जैशीदेवल युथ क्लब, ३१–३४ केजिइ पवन पंडित जैशीदेवल युथ क्लब, ४६–५० केजिइ कर्ण घोली, येँमपा, ३४–३८ केजिइ यूनिस तिमिल्सिना येँमपा, ३३–४२ केजिइ राहुल लिम्बू जैशीदेवल युथ क्लब, २५–२८ केजिइ रोशन तामाङ जैशीदेवल युथ क्लब न्हाप लाःगु खःसा मिसा पुचलय् २९–३२ केजिइ सोफिया भुजेल येँमपा, २६–२९ केजिइ मोनालिसा धामी मध्यपुर नपा, ४६–५० केजिइ रिना अधिकारी तारकेश्वर नपा, ३२–३५ केजिइ कृतिका कार्की येँमपा, ३५–३८ केजिइ जमुना मगर तारकेश्वर नपा, ३८–४२ केजिइ सम्पदा शिवाकोटी कागेश्वरी नपा, ४२–४६ केजिइ रोजिना लामा येँमपा, २३–२६ केजिइ कृषिका क्षेत्री हेटौंडा उपनपा न्हाप लाःगु दु ।

कासाय् मिजंपिंपाखें १७ दँ क्वय्यापिं पुचलय् रोजन प्रजापति जैशीदेवल युथ क्लब, १२ दँ क्वय्यापिं पुचलय् दिप्सन महर्जन गोदावरी नपा न्हाप लाःगु खःसा मिसापिं पुचलय् १७ दँ क्वय्यापिं पुचलय् सरगम थापा गोदावरी नपा, १२ दँ क्वय्यापिं पुचलय् युमि पाख्रिन गोदावरी नपां न्हाप लाकेत ताःलाःगु खः ।

अथे हे कासाय् वेस्ट फाइट मिजं राहुल हा· लिम्बू जैशीदेवल युथ क्लब व मिसापाखे सम्पदा सिबाकोटी कागेश्वरी नपां त्याकूगु दुसा वेस्ट पुम्से खेलाडी रोजेन प्रजापति जैशीदेवल युथ क्लब व वेस्ट पुम्से खेलाडी मिसा सरगम थापा गोदावरी नपां त्याकूगु दु । ज्याझ्वलय् वेस्ट रेफ्री विमल विक व वेस्ट कोच राजेन्द्र खत्री येँमपा लाःगु खः ।

त्याःपिं सकल पुचः व कासामिपिंत मूपाहां येँमहानगरपालिकाया प्रवक्ता नापं येँमपा १७ वडा अध्यक्ष नविन मानन्धर, विशेष पाहांपिं येँमपा २० वडा अध्यक्ष राजेन्द्र मानन्धर, १४ वडा अध्यक्ष सुमन श्रेष्ठ, १२ वडा अध्यक्ष बालकृष्ण महर्जन, हनुमानध्वाखा शार्दुल गणया सेनानी पूर्ण प्रजापति, नेपाल तेक्वान्डो संघया उपाध्यक्ष मानबहादुर चन्द, नेपाल तेक्वान्डो संघया महासचिव दिपराज गुरुङ, नेपाल तेक्वान्डो संघ बागमति प्रदेशया अध्यक्ष केशव पुरी, नेपाल तेक्वान्डो संघ बागमति प्रदेशया उपाध्यक्ष पुकार खड्गी नेपाल तेक्वान्डो संघ बागमति प्रदेशया उपाध्यक्ष रमेश बखतीपिंसं मेडल, ट्रफि, दसिपौ व नगद लःल्हानादीगु खःसा कासाय् ग्वाहालि याःपिंत मूपाहां मानन्धरं मतिनाया चिं लःल्हानादीगु खःसा ज्याझ्वः क्लबय् अध्यक्ष नापं जैशीदेवल तेक्वान्डो डोजा·या प्रमुख प्रशिक्षक राजेश प्रजापतिया सभापति जूगु खः ।