संसद भंगया सुनुवाई हानं शुरु

येँ – प्रधानन्यायाधीश चोलेन्द्रशम्शेर जबरा आकाझाकां म्ह मफयाः स्थगित जुयाच्वंगु प्रतिनिधिसभा विघटन सम्बन्धी मुद्दायात कयाः थौं सुनुवाइ जुइगु जूगु दु । वंगु जेठ २३ गते च्वनेगु कथं तिथि क्वःछिनातःगु खःसा प्रधानन्यायाधीश जबरा म्हं मफयेवं सुनुवाइ स्थगित जुयाच्वंगु खः ।

संवैधानिक व्यवस्था कथं प्रधानन्यायाधीशया अध्यक्षताय् संवैधानिक इजलास गठन यायेमाः । संवैधानिक इजलासय् प्रधानन्यायाधीश जबरालिसें वरिष्ठ न्यायाधीशपिं दीपककुमार कार्की, मीरा खड्का, ईश्वरप्रसाद खतिवडा व आनन्द मोहन भट्टराईया इजलासय् सुनुवाइ जुइ ।

थ्व स्वयां न्ह्यः इजलास गठनयात कयाः विवाद ब्वलंगु खः । राष्ट्रपति विद्यादेवी भण्डारीं मन्त्रिपरिषद्या सिफारिसय् वंगु जेठ ८ गते प्रतिनिधिसभा विघटन यानाः वइगु कार्तिक २६ व मंसिर ३ गते मध्यावधि निर्वाचन घोषणा याःगु खःसा उकिया विरुद्ध थीथी राजनीतिक दलया सांसदपिसं सर्वोच्च अदालतय् मुद्दा तःगु खः ।

सम्बन्धित बुखँ

LEAVE YOUR COMMENTS