‘पार्टी तछ्यायेत सांसदया अपहरण जुल’

येँ – समाजवादी पार्टीया प्रचार विभागया प्रमुख विश्वदीप पाण्डें थःगु पार्टीया सांसदया अपहरण जूगु दावी यानादीगु दु ।

सरकारं समाजवादी पार्टी विभाजन यायेगु निंतिं पुलाम्ह राज्यमन्त्री नापं पार्टीया केन्द्रीय दुजः सुरेन्द्र यादवया अपहरण याःगु द्वपं बियादीगु दु । पार्टी विभाजनया निंतिं येँ नं प्रहरी वनाः जनकपुरं नेता यादवयात येँ हःगु दावी नं वय्कलं यानादिल ।

सामाजिक संजाल फेसबुकय् छगू स्टाटस तयादिसें पाण्डें च्वयादी, ‘पुलाम्ह आइजिपी सर्वेन्द्र खनाल, महेश बस्नेत व व्यापारी किसन श्रेष्ठ ३म्ह जना येँ नं प्रमया निर्देशनय् सुरेन्द्र यादवयात मन्त्री दयेकेत्यनागु खः धासें येँ वनेत दबाव बियाः प्रधानमन्त्रीनाप फोनय् नं खँल्हाकाः सरकारी गाडीइ येँ हःगु खनी ।’

अपहरया यानाः येँया मेरियोट होटलय् तयातःसां अनया सुरक्षा घेरां पिहांवयेत नेता यादव सफल जूगु खँ नं प्रचार विभागया प्रमुख पाण्डें धयादीगु दु । वय्कलं होटलया कोठा नं ७०१-७१५ तक समाजवादीया सांसदतय्त डर, मन्त्री पद व आर्थिक लाभ लगायतया प्रलोभन क्यनातयातःगु द्वपं नं बियादिल ।

नेपालभाषा टाइम्स

च्वमिया मेमेगु

• ‘नुगः चफुना’ या म्यूजिक भिडियो पिदन
• नेपालभाषाया न्हूगु श्रृंखला वइगु
• एनपिएल ः जनकपुर व चितवन त्यात
• बौद्धविद्वान प्रजापतिया हना
• प्रधानमन्त्री ओलीया चीन भ्रमण, छुं न्हूगु सम्झौता मजुइगु