नेपाली दूतावासपाखें ‘डेली मेल’ यात पौ

येँ-लन्डनय् च्वंगु नेपाःया दूतावासं अनया ‘डेलि मेल’ पत्रिकां पिकाःगु नेपाः सम्बन्धी समाचारयात कयाः आपत्ति प्वंकूगु दु । ‘डेली मेलं’ नेपालय् कोरोनाया न्हूगु भेरियन्ट लूगु धकाः समाचार पिथंगु खः । लिसे नेपाःया न्हूगु भेरियन्टं बिदा न्यायेकेत पिहां वनीपिं बेलायती जनतायात लिच्वः लाये फइगु ख्याच्वः नं समाचारय् बियातःगु खः ।

दूतावासं याःगु खण्डनय् धयातःगु दु, ‘ ‘डेली मेल’या समाचार आधारहिन दु, नेपालय् आः तक अल्फा (बी १.१.७), डेल्टा (बी १.७१२.२) भेरियन्ट जक लूगु दु । थ्व निगुलिं उत्परिवर्तन नेपालय् जूगु मखु, विश्व स्वास्थ्य संगठन (डब्लुएचओं) नं नेपालय् न्हूगु संस्करणया भेरियन्ट उत्पत्ति जूगु धइगु समाचारया खण्डन यायेधुंकूगु दु ।’

दूतावासं डेली मेलयात पौ च्वयाः आधारहिन समाचारया खण्डन यायेत नं इनाप याःगु खः ।