जसपाय् निम्हेस्यां निम्हेसितं कारवाही

येँ (नेपालभाषा टाइम्स)÷जनता समाजवादी पार्टी (जसपा) या कार्यकारिणी समितिया बैठकं पार्टीया न्हापांम्ह अध्यक्ष महन्थ ठाकुर, वरिष्ठ नेता राजेन्द्र महतो, नेतापिं लक्ष्मणलाल कर्ण व सर्वेन्द्रनाथ शुक्लायात पार्टी सदस्य तकं मदइ कथं कारबाही याःगु दु ।

म्हीग च्वंगु कार्यकारिणी समितिया बैठकं थ्व निर्णय याःगु खः ।
पार्टीया संघीय परिषदया अध्यक्ष डा. बाबुराम भट्टराईया स्वकीय सचिव रोशन पोखरेलं कनादी कथं वंगु जेठ ८ गते वय्कःपिंत स्वन्हुया दुने स्पष्टीकरण बीत निर्देशन बिउगु खःसा उकिया लिसः मवयेवं हाकनं नीप्यघौ दुने स्पष्टीकरण बीत निर्देशन बिउगु खः । तर निगुलिं निर्देशनया उल्लंघन याःगुलिं निष्काशनया कारवाही याःगु खः । पार्टीपाखें म्हिगः निर्वाचन आयोगय् पौ च्वयाः प्यम्ह नेतायात कारबाही यानागु जानकारी नं बिउगु दु ।

मेखे म्हिगः हे ठाकुर पक्षं मेम्ह अध्यक्ष उपेन्द्र यादवयात नं कारबाही यानागु खँ धाःगु दु । ठाकुर पक्षं नं यादवयात कारबाही यानागु जानकारी निर्वाचन आयोगयात बिउगु दु ।

 

सम्बन्धित बुखँ

LEAVE YOUR COMMENTS