नाइकं नेयमारयात त्वःतल

एजेन्सी-खेलकूद सामग्रीया तःधंगु अमेरिकी कम्पनी नाइकं ब्राजिलियन फुटबल स्टार नेयमारयात याना वयाच्वंगु स्पोन्सर पूवंक दिकेगु खँ धाःगु दु । थः हे कर्मचारीयात यौन दुव्र्यवहार याःगु सम्बन्धी लानाच्वंगु आरोपया छानविनया निंतिं नेयमारं बांलाःगु भावनां ग्वाहालि मयाःगु धासें नाइकं ब्राजिलियन स्टार लिसेया थःपिनि स्वापू त्वाःथलेगु क्वःछिउगु खः ।

नेयमारयात सन् २०१६ य् यौन दुव्र्यवहार सम्बन्धी आरोप लाःगु खःसा थ्व सम्बन्धय् सन् २०१८ य् नाइकय् उजुरी लाःगु खः ।
नाइकं न्हापा जूगु छानविन पूमवंनिगु खँ धाःगु दु । नेयमारया प्रवक्तां धाःसा नेयमारं यौन दुव्र्यवहारया ओपारयात अस्वीकार याःगु धासें नाइक लिसे थगुने त्वाःदुगु स्वापू नं व्यावसायिक कारणं जक जूगु खँ धाःगु दु ।

नाइकं थगुने अगस्ट निसें हे नेयमारलिसेया व्यावसायिक स्वापूयात चिब्या याना हःगु खः । उबलय् धाःसा नाइकं छु कारणं थथे यानागु धकाः छुं मधाःगु खः । तर बिहिवाः पिथंगु वक्तव्यय् धाःसा नाइकं नेयमारं छानविनया निंतिं बांलाःगु भावनां ग्वाहालि याःगु खनेमदुगुलं पूवंक स्वापू त्वाःथलेगु निर्णय याःगु खँ धयातःगु खः ।