शराम नेवाःया च्वमि ‘म’ मंत

येँ(नेपालभाषा टाइम्स)÷नेपालभाषा ख्यःया पुलांम्ह कार्यकर्ता लिसें च्वमि महेन्द्ररत्न तुलाधर म्हीग मंत । वय्कः कोरोना ल्वचं कयाः मदुगु खः । निगू दशक न्ह्यः नेपालभाषा साहित्य ख्यलय् छगू प्रयोगया रुपय् ‘शराम नेवाः’ धइगु छगू हे नामं स्वम्ह च्वमिपिंसं च्वयेगु ज्या याःगु खः । शरद कसाः, राजेन्द्र तुलाधर व महेन्द्ररत्न तुलाधरपिंसं थःगु नांया न्ह्यःनेया छगः छगः आखः क्वकयाः ‘शराम नेवाः’ नां तःगु खः । मदुम्ह तुलाधर वहे शराम नेवाःया ‘म’ खः । वय्कः ५८ दँ दुम्ह खः ।

मदुम्ह तुलाधरया म्हिगः थनया कर्णदिपय् अन्तिम संस्कार जुल । वय्कःया जहान लिसें स्वम्ह काय्पिं दी ।

नेपालभाषा टाइम्स

च्वमिया मेमेगु

• थुकथं न्ह्यात बोडेया म्ये प्वाः खनीगु जात्रा
• बिस्काःया झ्वलय् थिमिइ ‘सुथसिया याः’ न्यायेकल
• छायादेवीया जग्गा पुखू प्रमाणित
• पाहाँचःह्रे क्वचाल
• ताेखाय् बिस्काःया निंतिं यःसिं थन