पांगाय् साहित्य गोष्ठी

किपू(नेपालभाषा टाइम्स)÷दँय्दसं यःमरि पुन्हिकुन्हु पांगाय् याना वयाच्वंगु नेपालभाषा साहित्य गोष्ठी म्हिगः पांगाया लाछि त्वालय् तःजिक जुल । उगु ज्याझ्वः नेपाल मजदुर किसान पार्टीया केन्द्रीय सचिव व प्रतिनिधि सभाया सदस्य प्रेम सुवालं उलेज्या यानादिल । ज्याझ्वलय् नेमकिपाया केन्द्रीय सदस्य व ख्वप नगरपालिकाया मेयर सुनिल प्रजापतिं नेवाःतय् नखःचखः, कला संस्कृति हे नेवाःतय् पहिचान जूगु न्ह्यथनादिसें पहिचानयात ल्यंका तये मफुत धाःसा अस्तित्व लोप जुइ धयादिल ।

वय्कलं भाषा संस्कृति म्वाकेगु कथं कानुनी ब्यवस्था जुइधुंकूगुलिं आः स्थानीय निकायपाखें कला संस्कृतिया ज्ञान नापं कासाया विवरण नं न्हूगु पुस्तायात पाठ बियाः उकियात म्वाकेगु अभियानय् ख्वप नगरपालिका लगे जुयाच्वनागु खँ कनादिल । वरिष्ठ पत्रकार भैरव रिसालं नेपाल सरकार हाल नेपाःया यथार्थ नक्सा पित बीत आनाकानी यानाच्वंगु न्ह्यथनादिसें कि ल्वाये खनाः ग्याये मजिउगु कि मखुसा अन्तर्राष्ट्रिय अदालतय् मुद्दा तयाः जूसां नेपाःया अतिक्रमित भूमि लित कायेत सरकार तयार जुइमाःगु खँ कनादिल । ज्याझ्वलय् प्रदेश सांसद सुरेन्द्रराज गोसाई, सिर्जना सैंजू लगायतं न्ववानादीगु खःसा अन थीथी रचना नं वाचन जूगु खः ।

सम्बन्धित बुखँ

LEAVE YOUR COMMENTS