कालिमाति तरकारी बजारय् झिंनिम्ह पोजेटिभ

येँ- थनया कालिमातिइ च्वंगु तरकारि बजारय् याःगु एन्टिजेन परीक्षणया लिच्वः पिहां वःगु दु । देय्या हे दकलय् तःधंगु तरकारि बजाः कालिमातिया तरकारि व फलफुल बजारय् प्यसः व निम्हेसिया एन्टिजेन परीक्षण याःगु इलय् झिंनिम्हेसिके पोजेटिभ खनेदुगु खः ।

येँ महानगरपालिका व इपिडिमियोलोजी तथा सरुवा रोग नियन्त्रण महाशाखां मंकाःकथं संक्रमणया उच्च जोखिम दुगु थाय्यात लक्षित यानाः याःगु उगु परीक्षण याःगु खः । तरकारि बजारय् ३२३ म्ह मिजं ज ७९ म्ह मिसा यानाः ४०२ म्हया एन्टिजेन विधिपाखें परीक्षण याःगु खः ।

महाशाखाया मेडिकल टेक्नोलोजिगट धनप्रसाद पौडेलं परीक्षणय् पोजेटिभ खनेदुसां अस्पतालय् हे भर्ना यायेमाःकथंया विरामी धाःसा मदुगु व पोजेटिभ खने दुपिं सकसितं परामर्श बियाः छ्वयागु जानकारी बियादिल ।

येँ मनपा व महाशाखां मंकाःकथं कोभिड भाइरस संक्रमणया उच्च जोखिम दुगु येँया थीथी थासय् समुदायस्तरय् वंगु मंगलवाःनिसें एन्टिजेन परीक्षण शुरु याःगु खः ।

स्वास्थ्य मन्त्रालय व सीसीएमसीं उच्च संक्रमण दुगु थाय्कथं पहिचान याःगु थासय् उकथं एन्टिजेन परीक्षण याःगु खः।