ने. सं. ११४६ बछलाथ्व तृतीया - अक्षय तृतीया, भिक्षु प्रज्ञानन्द महास्थविरया १२६ क्वःगु बुदिं

भिंतुना ¥यालीलिसें नेवाः भाय् ल्हाइपिं मस्तय्त सिरपाः

येँ – नेपाल संवत् ११४० न्हूदँया लसताय् पाल्पाय् नं छगू बृहत भिंतुना सांस्कृतिक ¥याली पिदन । पाल्पा पासा खलःया ग्वसालय् पिहां वःगु भिंतुना सांस्कृतिक ¥यालीं पाल्पा नगर परिक्रमा लिपा भिमसेन टोल अमृतानन्द मार्गस्थित तिंख्यलय् थ्यंकाः भिंतुना सभाय् परिणत जूगु खः ।

सांस्कृतिक बाजं व झाँकीसहित पिदंगु सांस्कृतिक ¥याली लिपा खलःया नायः देवेन्द्र शाक्यया सभापतित्वय् जूगु भिंतुना सभाय् प्रदेश सांसद डा. पुरण वज्राचार्य व तानसेन नगरपालिकाया प्रमुख अशोककुमार शाही मूपाहांकथं झायादीगु खः ।उगु हे ज्याझ्वलय नेवाः भासं खँल्हाबल्हा याइपिं चिचिधिकःपिं मस्तय्त सिरपाःलिसें लुमन्ति चिं नं लःल्हाःगु खः ।

ज्याझ्वलय् लसकुस यानादिसें खलःया दांभरिं केशवलाल वज्राचार्यंं पञ्चांग निर्णायक समितिं नखःचखःया तिथिमितियात गोलमाल यानाः नेवाःतय्त नखः हलेगुलिइ हे अलमल याना बिउगु धासें आवंलि इलय् हे थज्याःगु समस्यायात कयाः समाधान मालेत इनाप यानादिल ।