त्वाःत्वालय् आइसोलेशन मचायेकेत इनाप

येँ- थौंकन्हय् त्वाःत्वालय् स्थानीय मनूत जानाः आइसोलेशन केन्द्र दयेकेगु ज्या दिकेत स्वास्थ्य मन्त्रालयं इनाप याःगु दु । त्वाःत्वालय् अथे आइसोलेशन केन्द्र चायेकेबलय् उकिं मेगु कथंया समस्या पिहां वइ धासें स्वास्थ्य मन्त्रालयं अथे मयायेत इनाप याःगु खः ।

सरकारी व निजी अस्पतालय् माक्व बेड मदयाः कोरोनाया विरामीतय्त तसकं समस्या जुइवं स्वनिगःया थीथी थासय् स्थानीय जनता थःपिं हे जानाः आइसोलेसन केन्द्र चायेकेगु ज्या न्ह्याका हःगु खः ।

थौंकन्हय् थीथी त्वालय् आइसोलेशन केन्द्र चायेका हःगुलिं बजारय् स्वास्थ्य सामग्रीया अभाव शुरु जूगु व उकिया लिच्वः अस्पतालतय्त लानाच्वंगु खँ नं मन्त्रालयं धाःगु दु । स्थानीय रुपं आइसोलेशन चायेकेगु खःसा विरामी तच्वः जुइवं तुरुन्त वासः यायेगु व्यवस्था यायेमाःगु व सतिक च्वंगु अस्पताललिसे समन्वय याना तयेमाःगु खँ नं धाःगु दु । लिसें अन उत्पादन जुइगु चिकित्साजन्य फोहोरया बांलाक व्यवस्थापन यायेमाःगु खँ नं मन्त्रालयं धाःवःगु दु ।

सम्बन्धित बुखँ

LEAVE YOUR COMMENTS