ट्रमा सेन्टरय् तकं अक्सिजनया अभाव
- नेपालभाषा टाइम्स
- ???? ??????? दुतिया
- किपा-रासस
येँ – कोरोना महामारी तच्वया वःलिसें देय्न्यंकं अक्सिजनया अभाव नं तच्वया वःगु दु । सरकारं कोभिड उपचार केन्द्र कथं दयेकातःगु वीर अस्पतालया ट्रमा सेन्टरय् तकं बिहिवाः अक्सिजनया अभाव जूगु दु । अक्सिजनया अभावं यानाः ट्रमा सेन्टरय् उपचार यानाच्वंपिं कोरोना संक्रमितत जोखिमय् लानाच्वंगु दु ।
अस्पतालय् उपचार याकाच्वंपिं विरामीया थःथितिपिंत हे अक्सिजनया मालाहयेत धयाच्वंगु दु ।
अक्सिजन कायेगु थाय् मदयाः विरामी थःथितिपिं विरामी स्वयां नं वाथावाथा कनाच्वंगु दु । सिलिन्डर ज्वनाः अक्सिजन उद्योगय् ब्वाँय् वनाच्वंगु दुसा अन नं अक्सिजन कायेत ताःई पियाच्वनेमाःगु अवस्था वयाच्वंगु दु ।
थथे स्वनिगःया लिसें देय्न्यंकंया अस्पतालया अक्सिजनया अभाव तच्वया वनाः संक्रमिततय् ज्यान जोखिमय् लानाच्वंगु दु ।
अक्सिजन कायेगु निंतिं विरामीया थःथितिपिं ब्वाँय् जुयाच्वंगु छुं किपा
LEAVE YOUR COMMENTS